1. restoran və kafelərin təqdim etdiyi, mütləq isti su və xurma ilə başlamalı olan yeməklərdən ibarət siyahıdır. bakı şəhərində 10 manatdan 150 manata qədər menyular təklif olunur. bəlkə daha bahalıları da var. ancaq, bu gün mənəm-mənəm deyən restoranda iftarın ilk yeməyinin (sup) yarım saat gecikməsi mənə bizim qət etməli yolumuzun hələ çox olduğunu düşündürdü. camaat kapitalizmdən artıq imtina edir, biz hələ gedib çatmamışıq. amma çatmadığımız şeyi bəyənmədiyimiz dəqiqdir. çünki, cəmiyyət olaraq bu kapitalizm bizə uyğun deyil. biz elə bilirik ki, kapitalizm peysərlikdir. biz quldarlıq sevirik, kimsə əlində qamçı ilə kürəyimizə döysün, biz də işləyək. xoşluqla alınmır - pul qazanmaq, xidmət göstərmək, xidmət sektorunda tanınmaq, rəqabət zad bizlik deyil. ona görə heç vaxt ağlımıza gəlmir ki, iftar menyusu təklif ediriksə, gərək orucun nə olduğunu öyrənək. kapitalizmə söyməklə heç kəs müsəlman olmur.